سیمای دیزج خلیل, 
[2] کوراوغلو قوشما هیجا بؤلوملری = 3 + 3 + 5
توتوموشام اوزمو سیزین اؤلکه¬زه
بیر قیزین آدینا گلدیم ها گلدیم
عثمانلی گؤزه¬لین دوشدوم عشقینه
گوللرین یانینا گلدیم ها گلدیم

قیرآتی چاپدیریب یوللاردا یوردوم
دوشمنلر قارشیندا ار تکین دوردوم
رووشنم قوچ ایییت چنلی بئل یوردوم
اینجه قیز دادینا گلدیم ها گلدیم

کوراوغلو پاشایلا دوشسه دعواسی
کوراوغلو آدیلا دولار قالاسی
ایستامبول مولکونده خودکار بالاسی
نیگارین یادینا گلدیم ¬ها گلدیم

استاد غفارزاده دن

نوشته غفار غفار زاده

سیمای دیزج خلیل, 
کوراوغلو کیتابیندان یئنی دن یازان: غفار غفارزاده دیزجی
[1] کوراوغلو وارساغی گارایلی هیجا بؤلوملری= 4 + 4

ایییت گرک یار سئومه¬یه
تکجه اؤزو گرک گئده
دوشمنلردن بئل ایمه¬یه
تکجه اؤزو گرک گئده

نیگار یارین شیرین دیلی
اوره¬ییمدن کدر سیلی
اوزاق- اوزاق، یول منزیلی
تکجه اؤزو گرک گئده

قنیمینه قیلینج چالا
اؤلکه¬سینه تالان سالا
دوشمنلردن حاقّین آلا
تکجه اؤزو گرک گئده

دوْلا پولاد یاراغینا
دوشه ایییت سوْراغینا
یوز تولکونون قاباغنا
تکجه اؤزو گرک گئده

کوراوغلویام حاشا- حاشا
قیرآت دولوب دوز اوچ یاشا
خودکار ایلا گور ساواشا
تکجه اؤزو گرک گئده